Miene ierste Selfstännikeit

Mien Kontor inne Roonstraat 2

Hett goornich lang duurt, un Topalow würr Pleite. Nu käm de Buuherrn too mi, schull de helpen, eere Hüüs farti to maaken. Lich wier dat ni, eer Ressgeld wier man knapp, harrn al bannig toosett (een harr ierst de Buukuul trech, avers all de Roobuu betaalt).
Dat wiern soo anne fofftein Hüüs, verdeelt in Lübeck un de Kreiss Lauenborg, Ostholstein, Stormarn. Ik heff denn för all de Arbein lütt Firm söcht (un funn), de nich soo toolangen.

Een fun de Resstopalowbuuherrn wier een Prokuris fun de Lübecker Hooben Sellschap (LHG). Hei hett mi denn sien Direktor förstellt. soon rigti Direktor, mit'n grooten Schriefdisch, Plüschsessels un dick Zigarr.

Miene ierste Arbeid för de LHG wier de 'Einheitswerterfassung' fun all de Hoobensellschapsbuuwarks.
Doorför wier ik binn in't Archiv un buuten inne Legenschaffen toogang. Ne bannig drööge Arbeid, harr avers denn Vördeel, dat ik so de heele Grunnstücks un Buuwarks kennliernt heff.

Bit doorhen harr ik dat jo man nur mit Waanhüüs to doon. Een Hamborger Architekt beet mi, de Buustürung för een Niebuu fun 'ne Grootbäkkeri too överneem. Heff ik, un wiel dat soo good güng, dröft ik ook in Osloh nok een Maschinfabrik- un Kontorhuusanbuu stüürn.

Ass dat Fiefunsöbenti mit uns Wirtschaft bargdaal güng, de Updrägs utbleem , mien Familje grötter wurr (de feerte Söön  käm) heff ik mi för dree Joor an't Lannesbuuamt verköfft.

Door wier dat nich feel anners ass bi de Post in Hamborg, dreiht hebbt de Lüüd sick nich. Dat geef twoor 'n Stickklock un 'ne Kerntied, man de käm bi Klock söben, halbi ach, drünken iers mool Kaffe, leesten  in't Blatt, snakten mitteneen, halbi feer wörr utstempelt, wier Fieravend.
De Abeid in't Amt wier ni swer, harr avers mit Architektur ni veel to doon, wier allns förschreven, wiern fartige Buuteiknungs ut de Schuuflaad, de nur an de Oort antopassen wiern. Un ruut käm man ook ni, doorför wiern weller anner Lüüd tostännig.

Blang bi de Abeid in't Buuamt heff ik Tooverdeenst söcht; so harr een Schoolfründ fun min Fru 'n grooten Fotolaad in Lübeck, heff för em  een Regallaager in Lübeck un een nieges Gschäft in Mölln buut.

Fotografeert heff ik jo jüümers giern un dröff sogoor för't Buuamt de Niebuuten fun de Kaserns un anner Buuwarks upneem.  Un in Regnung stelln.
Uut de Konkursmass fun de O+K-Warft kunn ik dat Laborkrams för lütt Geld kööpen, heff mi doormit in'n Keller een Labor inricht, de Swatt/witt-Billers sülben maakt.

För de Tiet naa't Amt, naa de dree Joor, heff ik avers ook de ollen Buuhern besnakt, de Lüüd fun de Hooben-Selschap, den Hooben-Bedreevs-Vereen, de Firma Lehmann, hebbt mi all Abeid toosecht.